Ұлы бабалардың ізімен
“Елтану” туристік-өлкетану экспедициясы “Өз өлкеңді таны” жобасы аясында Қазақстанның бірнеше облыстарына болды, онын ішінде Абайдың Отанына ерекше назар аударды. Экспедиция құрамында көпшілігі жастар болды.
Экспедицияға 23 адам қатысты. Негізінен бұл Қарағанды өңірлік этномәдени орталықтарының өкілдері, “Жаңғыру жолы” қозғалысының жастары, ғылыми-сараптама тобының мүшелері, ғалымдар, журналистер, деп Қазақстан халқы Ассамблеясының сайтында хабарлайды.
Жоба жетекшісі Ерлан Құсайын экспедицияға іріктеу өте қатал болғанын айтты. Мысалы, жобаға қатысушылардың көпшілігі – қоғамдық өмірдегі белсенді жастар, әлеуметтік желілердегі мыңдаған оқырмандары бар зиялы жастар.
“Елтану” экспедициясының алғашқы аялдамасы Бұқар Жырау ауданы болды. Мұнда жоба қатысушылары “Көмекей әулие” деп танылған ұлы Жырау ескерткішіне гүл шоқтарын қойып, жергілікті тұрғындармен кездесті. Олармен әңгімелесу барысында сапардың мақсаты мен мүдделері егжей-тегжейлі түсіндірілді. Жергілікті ақсақалдардың батасын алған қарағандылық делегациясы Павлодар облысының Баянауыл ауданында болды.
Баянауылдан кейін “Елтану” экспедициясы Абай туған Шығыс Қазақстан облысына аттанды. Осы ауданда делегация Жидебай-Бөрілідегі Абай Құнанбайдың Мемлекеттік тарихи-мәдени және әдеби мұражай-қорығында, Құнанбай құдығында, Зере мен Ұлжан зираттарында, “Абай-Шәкәрім” мемориалдық кешеніне, Қоңыр әулие, Еңлік-Кебек, кесенеге, Оспанкөл өзенінде болды.
