Семейде әлеуметтік көмек – шығындардың аса маңызды бабы
Жұмыспен қамту және әлеуметтік бағдарламалар бөлімінің басшысы Мұрат Күржікаев атап өткендей, биыл 13 мыңнан астам адам әлеуметтік жәрдемақы алуда.
ШҚО АКҚ баспасөз конференциясында Мұрат Күржікаев 2021 жылға қала бюджетінен тұрғын үй көмегін көрсетуге 3 млн теңгеден астам қаражат бөлінгенін хабарлады. 2021 жылғы 1 қазандағы жағдай бойынша 764 отбасына 2 млн теңгеден астам сомаға тұрғын үй көмегі төленді.
2021 жылғы 1 қазандағы жағдай бойынша өңірде 13 850 адам мүгедектігі бойынша арнайы және мемлекеттік жәрдемақы алады, оның ішінде:
- бірінші топтағы мүгедектер – 1587,
- екінші топтағы мүгедектер – 5100,
- үшінші топтағы мүгедектер – 5790,
- 18 жасқа дейінгі мүгедек балалар – 1373.
– 2021 жылдан бастап мүгедектер мен мүгедек балаларды техникалық (компенсаторлық) оңалту құралдарымен, санаторий-курорттық емдеумен, жеке көмекшінің, ымдау тілі маманының қызметтерімен қамтамасыз ету әлеуметтік қызметтер порталы (ЖӨБ) арқылы, мемлекеттік сатып алудың баламасынсыз ұсынылады, – деп атап өтті Мұрат Күржікаев.
Сонымен қатар, қалада бір жарым жастан 18 жасқа дейінгі психоневрологиялық патологиялары мен тірек-қимыл аппараты бұзылған мүгедектерге және 18 жастан асқан психоневрологиялық аурулары бар адамдарға үйде және жартылай стационар жағдайында қызмет көрсететін арнайы қызмет көрсету орталығы бар.
2021 жылдың 1 қазанына АӘК алушылар санынан 1 жастан 6 жасқа дейінгі 3170 бала тұрмыстық химия және азық-түлік жиынтығын алды. Оқу кезеңінде мектеп жасындағы 3846 бала тегін тамақпен және жеңілдікпен жол жүрумен қамтылды. Бұл ретте кепілдік берілген әлеуметтік пакетті жеткізу мектеп ұйымдары арқылы жалпы оқыту шеңберінде қамтамасыз етіледі.
