Шүлбі су қоймасында қайықтан құлап, өз бетінше судан шыға алмаған ер адамға көмек көрсетілді
Шүлбі ГЭС қызметкерлері ер адамға көмек көрсетті.
2021 жылғы 20 тамызда Семей қаласының құтқару қызметінің пультіне Шүлбі су қоймасында ер адамның қайықтан құлап, өз бетінше шыға алмайтындығы туралы белгі түсті. Оқиға орнына Семей қ. 40-ӨСБ қызметкерлері, полиция қызметкерлері, сондай-ақ ТЖ алдын алу және жою бойынша өзара іс-қимыл тәртібі туралы келісім негізінде “АЭС Шүлбі ГЭС” ЖШС қызметкерлері жіберілді. Оқиға орнына келген Шүлбі ГЭС қызметкерлері 1990 жылы туған ер адамды судан шығарып, жағаға сүйреп апарды, ол жерде ол достарымен бірге демалды.
Семей қаласының ТЖ басқармасы азаматтарды судағы қауіпсіздік ережелерін қатаң сақтауға шақырады:
– егер сіз балалармен су айдынында болсаңыз, оларды қараусыз қалдырмаңыз, балалардың суға ересектерсіз кіруіне жол бермеңіз;
– тыйым салынған жерлерде шомылмаңыз;
– жүзу құралдарын пайдаланған кезде міндетті түрде құтқару кеудешелерін киіңіз;
– қайықтардан, катерлерден, айлақтардан, сондай-ақ осы мақсаттарға бейімделмеген құрылыстардан суға секірмеңіз;
– тексерілмеген және жабдықталмаған жерлерде суға түспеңіз;
– суға кірмеңіз және тәуліктің қараңғы уақытында шомылмаңыз.
ТЖ туындаған жағдайда “112” бірыңғай нөміріне қоңырау шалыңыз.
