ШҚО-дағы ЖШС бірінің қызметкері құрамында алтын бар кенді ұрламақ болды
![](https://abayonline.kz/wp-content/uploads/2021/09/c5f77a91-9bd7-4628-9090-ad9326bab05e-1024x682.jpg)
ШҚО-да құрамында алтыны бар кенді ұрлауға тырысқан ЖШС қызметкері ұсталды.
Алтай қаласының ПБ “102” жедел арнасына ЖШС-нің бірінің қауіпсіздік қызметінің бастығынан байыту фабрикасының бас корпусында ұнтақтау учаскесіндегі өнеркәсіптік алаңда құрамында алтыны бар өнеркәсіптік өнімді ұрлауға тырысқан қызметкер ұсталғаны туралы хабарлама келіп түсті.
Тәртіп сақшылары анықтағандай, ЖШС-нің 28 жастағы қызметкері қайта өңдеу өнімінен брикет дайындап, ЖШС ғимаратынан алып шығуды жоспарлаған. Брикеттің жалпы салмағы 42 кг 320 гр. құрады. Материалдық шығын 2 631 058 теңгені құрады.
Аталған факті бойынша ҚР ҚК 188-бабы 3-бөлігі 1-тармағы бойынша сотқа дейінгі тергеу басталды.