ТКШ әлеуметтік желілердегі азаматтардың шағымдарына жауап берді
Жылыту маусымы басталысымен қаланың әртүрлі бөліктерінен жылу мен судың жоқтығы туралы шағымдар түсе бастады. Олар бойынша ТКШ бөлімі өзінің Facebook-тегі парақшасында жауап берді.
Шәкәрім 15 көшесінде орналасқан үйдің тұрғындары жылу мен жарықтың жоқтығына шағымданды.
– Осы тұрғын үйге қызмет көрсететін жылу пунктінде апат болды. Сонымен қатар, ШҚ АЭК желісі бойынша апат орын алды, ол жылу пунктін де, тұрғын үйді де токтан ажыратты. Қазіргі уақытта апаттарды жою жұмыстары жүргізілуде, – деп жазады ТКШ.
Докучаев көшесі 35 “б” үй де жылу алған жоқ, дегенмен тұрғындар көрші үйлерде жылу бар екенін айтады.
– Докучаев көшесі, 35 “б” мекен-жайындағы шағымға қатысты жылыту жүйесінің апаты болғанын хабарлаймыз. Дәнекерлеу жұмыстары жүргізілді. Қазіргі уақытта жылу қалпына келтірілді, – делінген хабарламада.
Егер алдыңғы екі жағдайда жылу мен су беруге апаттар кедергі келтірсе, Шығыс кентінде жылу желілері әлі ауыстырылып жатыр.
– Жылу желілеріндегі күзгі гидравликалық сынақтар жылумен жабдықтауды жақсарту үшін бұл желілерді ауыстыру қажет екенін көрсетті. Осы жұмыстарға байланысты 7 үй ажыратылды. Ауыстыру жұмыстары жүргізілуде, жақын арада үйлер қосылатын болады, – деп толықтырды ТКШ.
Олар сондай-ақ Қарағайлы ауданының тұрғындарынан кешірім сұрады, онда диаметрін ұлғайту үшін тұрғын үйлерге жылу желілерін салу бойынша жұмыстар аяқталып қалды. Жұмысты “ФирмаАзия” ЖШС жүргізеді. Олардың мәліметінше, жұмыстар 2021 жылдың 6 қазанына дейін аяқталады.
