Жарма ауданының тұрғынынан есірткі орамы тәркіленді
![](https://abayonline.kz/wp-content/uploads/2022/09/Zadezhanie222-1210x681.jpg)
Жарма ауданының тұрғынынан есірткі орамы тәркіленді
Жарма ауданы ПБ қызметкерлері «Құқықтық тәртіп» ЖПІШ өткізу барысында Қалбатау ауылының 33 жастағы ер адамнан қоңыр-жасыл түсті ерекше иісі бар өсімдік тектес заттары бар қағаз орамы табылып тәркіленді.
Ұсталған адам аталған орамды тауып алып, өзіне қалдырам деп шешім қабылдағанын жеткізген.
Сот-химиялық сараптаманың қорытындысына сәйкес зерттеуге ұсынылған зат жалпы салмағы 2,12 грамм болатын «кептірілген марихуана» есірткі құралы екенін көрсетті.
Қазіргі уақытта аталған факті бойынша ҚР ҚК-нің 296-бабы «Есірткі, психотроптық заттармен, сол тектестермен өткізу мақсатынсыз заңсыз жұмыс істеу» бойынша сотқа дейінгі тергеу жүргізілуде.
Абай облысы ПД баспасөз қызметі