Қоқыс шығаруға арналған жаңа контейнерлер әкімнің көңілінен шықпады
Оның айтуынша, контейнердің тым кішкентай дөңгелектері оларды пайдаланудың алғашқы күндерінде жарамсыз болады.
Қала әкімі Бақытжан Байахметов қоқыс шығаратын жаңа контейнерлерге наразы. Бұл туралы ол өзінің Instagram парақшасында айтты. Оның пікірінше, кішкентай дөңгелектер 150 келі салмаққа шыдамайды.
– Қоқыс шығару үшін дайындалған контейнерлердің сапасын тексердім. “Саланг құрылыс” компаниясында бүгінде бүйірден тиеуге арналған 400 контейнер дайындалған. Олардың әрқайсысының құны шамамен 40 мың. Оларға орнатылған дөңгелектер сәйкес диаметр мен төзімділікте орнатылмағанына бірден назар аудардым. Егер контейнердің салмағын 110 кг. және 30-50 кг. қоқыс деп есептесек, онда бұл доңғалақтар оларды пайдаланудың алғашқы күндерінде жарамсыз болады деп болжауға болады, – деді әкім.
Бақытжан Байахметов барлық дайындалған бұйымдарды техникалық құжаттамаға сәйкес келтіруді тапсырды. Ол оларды дайындауда стандарттарды сақтау керек екенін айтады. Сонымен қатар, әкім қала бойынша контейнерлерге қажеттілік шамамен 4000 дананы құрайтынын хабарлады.
– Контейнерлердің жетіспеушілігін шешу керек. Жыл соңына дейін тағы 500-ден астам контейнер дайындау жоспарлануда. Болашақта бюджетте оларды өндіруге қосымша қаражат табу керек. Қалада қоқыс шығару үшін қоқысты бүйірлік жүктеуге арналған 40 машина және артқы жүктеумен 4 қоқыс машинасы бар. Егер бізде контейнерлер тапшы болса, онда осы техниканың басым бөлігі тұрып қалады, – деп пайымдайды Бақытжан Байахметов.
Қала басшысы контейнерлерді қалыпты тиеу үшін арнайы алаңдарды жабдықтау қажеттігін атап өтті. Мұндай алаңдардың көлемі Қызмет көрсетілетін үйлердің санынан және онда тұратын тұрғындардың санынан есептелуі тиіс. Контейнерлердің қажетті саны осындай алаңдарда еркін орналастырылуы тиіс.
