Семейде жылу үшін миллиондаған қарыздар азая бастады
Рейд барысында борышкерлер 300 млн теңгеге жуық дебиторлық берешекті төледі.
Бүгін таңертең “Теплокоммунэнерго” МКК мамандары борышкерлерді жылудан ажырату үшін тағы да рейдке шықты. Бұл жолы көп пәтерлі үйлер ажыратылды.
Мамандардың айтуынша, қала бойынша қарыз сомасы біртіндеп азайып келеді, тұрғындар қыстың жақындап келе жатқанын түсініп, мүмкіндігінше қарыздарын өтеуге және жылумен жабдықтау жүйесіне қайта қосылуға тырысады.
– Бүгін қаланың сол жағалауына рейд жүргіземіз. Тұрғын үйлерді оларда басқару органдары жоқ болғандықтан және олардың көпшілігі жыл сайын жылу беру маусымына дайындалмау себебінен ажыратамыз. Жыл сайын бір мәселе. Жылуға қайта қосылу үшін ҚБ немесе ММИБ құру, дайындық жұмыстарын жүргізу және барлық қарыздарды төлеу қажет, – деп атап өтті жылу инспекциясы бастығының орынбасары Ерік Райымжанов.
Сонымен қатар, Ерік Райымжанов қала бойынша қарыз 375 млн теңгеге дейін азайғанын атап өтті.
– Төлемді көбінесе сол жерде – мобильді банкинг арқылы немесе “Теплокоммунэнерго” қызметкерлері жүргізеді. Адамдар қыс келе жатқанын және жылусыз өмір сүру мүмкін еместігін түсінеді, – деп қосты Ерік Райымжанов.
