Тіркеусіз тұру ерекше бақылауға алынды
“Тіркеусіз тұру ерекше бақылауға алынды”.
30 наурызда Семей полицейлері қаланың сол жағалауындағы қонақ үйлерді, жатақханаларды, жалдамалы пәтерлерді пысықтау бойынша жедел-профилактикалық іс-шара өткізді. Аталған іс-шараның мақсаты халық арасында құқық бұзушылықтар мен қылмыстардың алдын алу болып табылады.
Жергілікті пысықтауды өткізу туралы шешім бұл облыс орталығындағы жедел жағдайды сауықтыру жөніндегі жедел іс-шаралар жоспарының бір бөлігі, өйткені Абай облысының құрылуына байланысты біздің қаламызда жалдамалы пәтерлерде, жатақханаларда және қонақ үйлерде тіркеусіз тұратын және көбінесе қылмыстың объектісі немесе субъектісі бола алатын көптеген азаматтар бар.
“Жедел алдын алу іс-шарасын өткізу барысында учаскелік инспекторлар азаматтармен әңгімелесу жүргізеді, сондай-ақ тұрғылықты жері бойынша тіркелмеген жағдайда тіркеу тәртібін түсіндіреді және Әкімшілік құқық бұзушылық туралы кодекстің 492-бабы шеңберінде әкімшілік ескерту шығарады”, – деді Семей қ.ПБ жергілікті полиция қызметінің бастығы Елдос Оразалин.
